Riqichi baabura imaltoota baatee deemaa ture irratti kufee namoonni du'an
Madda suuraa, Moscow Interregional Transport Prosecutor's Office
Raashiyaatti riqichi daandii saffisaa baabura dhihoo daangaa Yukireen irra deemaa ture irratti kufee yoo xiqqaate namoonni torba du'uu hojjettoonni yeroo balaa beeksisan.
Sanbata kaleessaa riqichi Biraaniski keessatti argamu gaafa cabu konkolaataawwan gurguddaa baabura imaltootaa kara gadiin deemaa jiru irratti kuffise jennaan namoonni torba du'anii, namoonni 31 madaa'aniiru
Ministeerrii Balaa tasaa Raashiyaa tuutni ibiddaafi baraartotaa namoota baaburaan deemaa turan barbaadaa jiru jedhan.
Tajaajjilli Baaburaa Moskoo Telegiraamii irratti akka ibsetti riqichi kuni kan kufe ''oppireeshinii geejibaa irratti waanti seeraan ala itti bu'ame waan jiruufi,''
Dilbata ganama ammoo riqichi daandii saffisaa naannoo Kuurisk keessa jiru biraan kufee jedhan bulchaan Kuurisk Oblaast Aleeksaandar Kahiinistan.
