/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Diffyg cynghorau Cymru 'o leiaf yn £395m' dros 24 mis

Gwasanaethau cyngorGetty Images/BBC

Mae cynghorau'n darparu nifer fawr o wasanaethau gan gynnwys gofal, addysg, casglu gwastraff ac adnoddau hamdden

Gan Daniel Davies
Gohebydd BBC Cymru

Fe fydd diffyg ariannol yng nghyllidebau cynghorau yn cael effaith ddifrifol ar wasanaethau cyhoeddus, meddai awdurdodau lleol.

Yn ôl ymchwil gan y BBC mae cynghorau Cymru yn disgwyl diffyg cyllid cyfunol o leiaf £394.8m dros y ddwy flynedd nesaf.

Mae cyllidebau ysgolion dan bwysau a chost darparu gofal cymdeithasol yn codi'n aruthrol, meddai cynghorau.

Dywedodd Llywodraeth Cymru eu bod yn gweithio gyda chynghorau, ond bod mwy o bwysau ar arian cyhoeddus oherwydd chwyddiant uchel.

Fe wnaeth Shared Data Unit y BBC gynnal arolwg o gynghorau a'u cyllidebau.

O'r 22 cyngor sir yng Nghymru, dywedodd 17 bod angen iddyn nhw arbed £182m eleni, roedd 20 yn rhagweld diffyg ar y cyd o £394.8m dros ddwy flynedd ac roedd 10 wedi codi'r dreth gyngor o leiaf 5%.

Dr Marlene Davies: "Efallai bod e'n amser nawr i aildrefnu llywodraeth leol">