/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Cymunedau i redeg rhagor o wasanaethau cyhoeddus?

Canolfan Hamdden Plas Madoc

Mae 10 mlynedd ers i Ganolfan Hamdden Plas Madoc, ger Wrecsam, gael ei hachub gan ymgyrchwyr

Dafydd Evans
Newyddion BBC Cymru

Mae yna rybudd y gallai rhagor o adnoddau cyhoeddus gael eu rhoi yn nwylo cymunedau wrth i gynghorau wynebu heriau ariannol pellach.

Fe allai gwasanaethau nad oes rhaid i Gyngor Wrecsam ddarparu fod dan ystyriaeth, meddai'r prif weithredwr dros dro, wrth i awdurdodau lleol ddechrau llunio eu cyllidebau ar gyfer y flwyddyn ariannol sy'n dod.

Mae meysydd o'r fath yn cynnwys canolfannau hamdden, llyfrgelloedd a thoiledau cyhoeddus.

Mae Llywodraeth Cymru'n dweud y bydd awdurdodau lleol yn derbyn 4.3% yn rhagor o arian yn 2025/26.

Yn wahanol i wasanaethau statudol fel addysg a gofal cymdeithasol, does dim dyletswydd cyfreithiol ar gynghorau i ddarparu gwasanaethau anstatudol.

Yn ôl Alwyn Jones, Prif Weithredwr dros dro Cyngor Wrecsam, mae nifer o gynghorau yn "agos" at orfod ystyried "pob un" gwasanaeth anstatudol.

"Allan nhw ddarparu nhw mewn ffordd wahanol? Allan nhw ddarparu nhw mewn ffordd mwy effeithiol">