/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Pas Covid: 'Aros byth a hefyd' i addasu technoleg i Gymru

pas Covid yn FfraincGetty Images
Gan Alun Jones
Uned Wleidyddol BBC Cymru

Mae Llywodraeth Cymru yn "aros byth a hefyd" i Lywodraeth y DU addasu technoleg er mwyn Cymru a'r Gymraeg, medd gweinidog iechyd Cymru.

Dywedodd Eluned Morgan eu bod "yn ddibynnol i raddau helaeth ar y sefyllfa yn Lloegr" er mwyn cyflwyno pasys Covid dwyieithog.

Mae penderfyniad Llywodraeth Cymru i gyflwyno 'pas Covid' i fynychu rhai digwyddiadau yn golygu, o 11 Hydref, bydd yn rhaid i unrhyw un dros 18 sydd am fynd i glwb nos neu ddigwyddiad torfol ddangos eu bod nhw un ai wedi cael eu brechu'n llawn, neu wedi cael prawf llif unffordd (LFT) negyddol o fewn 48 awr.

Er mwyn cael pas Covid y GIG rhaid defnyddio gwefan nhs.uk, sy'n eich galluogi i greu pas Covid drwy ddefnyddio ffôn clyfar neu gyfrifiadur.

Nid yw pobl sy'n byw yng Nghymru yn medru cael y pas drwy ap y GIG oherwydd dim ond yn Lloegr y mae'n ddilys.

Pas yn y Gymraeg?

Er mwyn cael copi dwyieithog o'r pas, rhaid gwneud cais am fersiwn bapur trwy ffonio 0300 303 5667 rhwng 09:00 a 17:00 saith diwrnod yr wythnos.

Gall gymryd hyd at 10 diwrnod gwaith i'r dystysgrif gyrraedd.

Yn y Senedd, dywedodd Siân Gwenllian, AS Plaid Cymru sy'n cynrychioli Arfon: "Ers cyflwyno'r pas cyn cychwyn yr haf ar gyfer teithio rhyngwladol, mae Plaid Cymru ac eraill wedi codi'r mater o'r gallu i gael mynediad at y system drwy gyfwng y Gymraeg.

"Felly, gaf i ofyn i chi pa bryd fydd y gwasanaeth cyfrwng Cymraeg ar gael i dderbyn pas Covid">