Khilaaf ka dhex qarxay Trump iyo Elon Musk

Tebin toos ah

1. 4 Juunyo 2025Maxaa ka jira in saacaddii qiyaamuhu soo dhawaatay?

   

   Saacadda laga matalay in ay tahay tan qiyaamaha, taas oo muujineysa sida aadanuhu ugu dhawyahay dhanka burburka ayaa waxa hal ilbiriqsi u durugtay dhanka hore 89 ilibiriqsina u jirsatay xilliga kala bayrka.

   Barnaamijka lagu magu magacaabo Saynisyahanadda Atamka ee (BAS) oo saacada rakiba sanad walba, ayaa waxa uu sheegay in – khataraha dhanka hubka nukleyrka ee taagan, sida qaldan ee loo isticmaalo biology ga aadka u horumaray, garaadka macmalka ah iyo sidoo kale isbadalka cimilada in ay yihiin waxyaabaha aasaaska u ah baqdinta la qabo.

   Danial Holz, oo ah madaxa barnaamijka gaar ahaan guddigiisa Sayniska iyo Ammaanka, ayaa waxa uu sheegay in talaabadaan ay qaaday saacaddu "ay digniin u tahay dhammaan hugaamiyaasha caalamka".

   Saacaddaan ayaa markii ugu horeysay waxaa lagu saxay in ay joogto 7 daqiiqo ka hor xilliga saqda dhexe sanadkii 1947 dii. Sanadkii la soo dhaafay sagaashan daqiiqo ayay u jirtay dhanka hoogga adduunka balse waxaba kuma darsamin oo intaas ma dhaafin.

   Bayaanka Talaadadii ay soo saareen BAS - oo ah hay'ad samafal oo fadhigeedu yahay Chicago – waxaa lagu yiri: "Marka ay saacadda hal ilbiriqsi oo kaliya u jirsato saqda dhexe, waxaan diri doonnaa digniin adag.

   Halkan ka siii akhriso sheekadda oo dhameystiran,,,,,,,,,,

2. 4 Juunyo 2025War deg deg ah, Trump oo sheegay inuu arbacada la hadlay Putin, maxayse ka wadahadleen

   

   Madaxweynaha Mareykanka Donald Trump ayaa Arbacada sheegay in uu " wada hadal wanaagsan" la yeeshay madaxweynaha Ruushka Vladimir Putin, iyagoo wicitaanka kaga wada hadlay duqaymihii diyaaradaha aan duuliyaha ee Ukriane iyo Iran.

   Ka dib weerarkii ugu weynaa ee Ukraine ay ka geysatay gudaha Ruushka, Trump wuxuu sheegay in Putin uu u sheegay in Ruushka "ay ku qasbanaan doonaan inay ka jawaabaan weerarkii dhawaan lagu qaaday garoonka diyaaradaha".

   Trump ayaa sidoo kale ka digay qoraal uu soo dhigay baraha bulshada in taleefoonka oo qaatay in ka badan saacad uusan " horseedi doonin nabad degdeg ah".

   Labada hogaamiye ayaa sidoo kale ka wada hadlay Iran, waxaana Putin uu soo jeediyay inuu ka caawin karo wadahadalada Nukliyeerka ee dalkaasi.

3. 4 Juunyo 2025Warrarkii ugu dembeeyey dagaal qaraar oo maanta ka dhacay Ceel Hareeri yaase gacanta ku haya

   

   Xigashada Sawirka, Hiiraan

   Warrarka ka imaanaya deeganaka Ceel Hareeri oo ka tirsan degmada Moqokori ee gobolka Hiiraan ayaa sheegay in halkaas saaka uu ka dhacay dagaal qaraar oo u dhaxeeya ciidamada deegaanka iyo dagaalamayaal ka tirsan ururka al-shabaab.

   Dagaalka ayaa la sheegay inay marka hore bilaabeen dagaalamayaal ka tirsan al-shabaab oo dhawaanahan ku sugnaa deeganadaasi iyagoo adeegsaday gawaari qaraxyo siday.

   Dadka deegaanka ayaa sheegay in mid ka mida gawaaridii qaraxyadu ku rarnaayeen lagu qarxiyey bambo gacmeed.

   Deegaanka Ceel Hareeri, ayaa qiyaastii dhowr iyo labaatan kilimotir u jira degmda Aadan Yabaal una dhaxeeyaa gobollada Hiiraan iyo Shabellada dhexe.

   Sida uu BBC-da guddoomiyaha degmada Moqokori Maxamed Cabdi Macow, dagaalka ayaa ku bilowday si gao ah oo dagaalamayaal ka tirsan al-shabaab ay soo qadeen.

   Guddoomiye Macow ayaa xaqiijiyey in hadda deegaanka Ceel Hareeri ay gacanta ku hayaan al-shabab basle wuxuu sheegay inaysan sii joogi doonin.

   Khasaaraha ayaan si rasmi ah loo hayn basle guddoomiyaha ayaa xusay in dhankooda 2 nin ay ka dhinteen dhaawacna uu jiro.

   Wariyaha BBC-da ee Muqdisho ayaa soo sheegaya in isgaarsiintu tahay mid aan la heli karin oo ciriiri ah deegaanka dagaalku uu ka dhacay.

4. 4 Juunyo 2025Hoggaamiyaha sare ee Iran oo diiday dalabyo ugu yimid Maraykanka

   

   Xigashada Sawirka, AFP

   Hoggaamiyaha ruuxiga ah ee Iran, Ayatollah Ali Khamenei, ayaa diiday dalabka Mareykanka ee ahaa in Iran ay joojiso tayeynta Uranium-ka si loo gaaro heshiis Nukliyeer ah. Wuxuu ku tilmaamay dalabkaas mid ka hor imaanaya danaha qaranka ee Iran.

   Ku dhawaaqistan ayaa timid kadib shan wareeg oo wadahadallo ah oo u dhexeeyay Washington iyo Tehran. Iran waxay muddo dheer ku andacooneysay in barnaamijkeeda nukliyeerku uu yahay mid nabadeed oo aan loogu talagalin wax hub ah.

   Laakiin waxa ay xoojisay kaydkeeda uranium-ka ilaa heer uu u dhowyahay kan loo adeegsado samaynta hubka nukliyeerka.

   Madaxweyne Donald Trump, oo horey uga baxay heshiiskii nukliyeerka ee 2015, ayaa ku hanjabay in Mareykanku uu qaadayao tallaabo militari oo ka dhan ah Iran haddii aan heshiis cusub la gaarin.

5. 4 Juunyo 2025BBC-da oo diiday eedeymo Aqalka Cad uga yimid oo ku saabsan tebinteeda Qasa

   

   Xigashada Sawirka, PA Media

   BBC-da ayaa beenisay eedeymo khaldan oo kasoo yeeray Aqalka Cad ee Mareykanka oo ku saabsan qaabka ay u tebiso wararka ku saabsan Qaza, iyadoo sheegtay eedeynta ah in sheekooyinka hoos la dhigay ay tahay mid “ gabi ahaanba khaldan”

   Talaadadii intii lagu guda jiray warbixin bixintii xogahayha saxaafada ee aqalka Cad Karoline Leavitt, ayaa ku eedeysay BBC-da inay dhab u qaadatay “hadaladii Xamaas" marka ay ka warbixineysay tirada dadka lagu dilay rasaas ka dhacday meel gargaar bixin ka socotay Axadii

   Waxay sidoo kale sheegtay, si khaldan, in BBC-du ay kaga noqotay warbixin ay daabacday.

   "Sheegashada ah in BBC-du ay ka saartay warbixin kadib markii dib u eegis lagu sameeyey muuqaalka ay tahay “gabi ahaanba waa mid khaldan” ma jirto warbixin aan saarnay waxaana ku taaganahay xirfadeenna” ayey ku tiri BBC-du war qoraal ah oo ay soo saartay.

   Karoline Leavitt, waxay BBC-da ku dhaliisay inay beddeshay tirada dadka waxyeelladu soo gaartay ee ay marka hore ku sheegtay ciwaanka sheekada. BBC-du waxay sheegtay in tebeinteda sheekadaas lagu cusboonaysiiyey tirooyin cusub maalintii oo dhan ah, taasoo ah mid caado u ah warbaahin weyn oo hadba soo gudbisa warrarkii ugu dembeeyey.

6. 4 Juunyo 2025Waa kuma ninka darbi-ka-bood ah ee la sheegay in uu warqad hanjabaad dil ah u qoray Donlad Trump?

   

   Xigashada Sawirka, Department of Homeland Security

   Nin lagu eedeeyay in uu qoray warqado uu ugu hanjabayo in uu dili doono madaxweynaha Maraykanka Donald Trump ayaa la xidhay, sida ay baadhayaashu sheegeen.

   Ramon Morales-Reyes, oo 54 jir ah oo aan wax sharci ah haysan, ayaa la xidhay todobaadkii hore kaddib markii ay saraakiishu ku eedeeyeen in uu ku hanjabay in uu toogan doono Trump. Waxa uu wajahayaa dhageysiga dawcad masaafurin ah Arbacada.

   Dacwad oogayaasha maxkamada ayaa hadda ku andacoonaya in warqadaha uu qoray nin kale oo la yidhaahdo Demetric Deshawn Scott, kaas oo lagu wado in lagu maxkamadeeyo eedeymaha uu u geystay Mr Morales-Reyes.

   Mr Scott ayaa lagu soo oogay dacwad ah caga jugleyn markhaati, xatooyo aqoonsi iyo jebin damiin. Wuxuu u sheegay baarayaasha in uu warqadaha u qoray si uu uga ilaaliyo Mr Morales-Reyes in uu ku marag furo kiiska tuuganimada.

7. 4 Juunyo 2025Ma baan ogayn! Sheekada Faadumo, gabadh rabtay in ay Yurub u tahriibto iyo wixii ay kala kulantay Aljeeriya

   

   Xigashada Sawirka, Getty Images

   Dalka Aljeeriya waxaa uu dhawaanahan ahaa meel ay soo beegsadaan oo ay soo galaan muhaajiriinta u tahriibaya dalalka Yurub kuwaas oo doono khatartooda leh ka raaco xeebaha dalkaas si ay qaarada Yurub u gaaraan.

   Muhaajiriintaasi waxaa ka mid ah dhalinyaro Soomaaliyeed oo qaarkood kasoo galay dhinaca dalalka deriska aa ah Aljeeriya.

   Todobaadkii hore markii ay geeriyoodeen ku dhawaab labaatan dhallinyaro ah, ayaa dad badani ku baraarugeen halistan horta leh ee baryahaan ka socotay xeebaha dalkaas.

   Tahriibayaasha Soomaalida ee ka gaaray dalkaas waxaa ka mid ah gabar magaceeda ku soo koobtay Faadumo, oo BBC du la hadashay xilli ay ku sii socotay garoonka diyaaradaha, si ay u gasho safar ka gadisan kii horay u soo qorsheysatay.

   Faaduma iyo dhalinayarada kale ee la socotay waxa ay la lakulmeen wax k duwan wixii ay filayeen ka dib markii booliska Aljeeriya ay qabteen dhalinayarada dabadeedna ay dib ugu celiyeen saxaraha dalka Niger halkaasna lagu xiray.

   "Tuunisa lug ayaan ugasoo baxnay waxa aan soo galnay Aljeeriya oo aan seddex habeen ku barina, boolis ayaa na qabtay kadibna Niger ayaa nala geeyay" ayeey sheegtay faadumo.

8. 4 Juunyo 2025Dagaal xooggan oo Ismaamulka Gaarisa ku dhex maray Al Shabaab iyo ciidanka Kenya

   

   Xigashada Sawirka, Capital FM

   Sida ay ku warramayso warbaahinta gudaha Kenya afar qof oo looga shakisan yahay in ay ka tirsan yihiin kooxda Al-Shabaab ayaa lagu dilay weerar subaxnimadii hore ee Isniintii ay kooxda howlgallada gaarka ah (SOG) ka fuliyeen Ismaamulka Gaarisa.

   Hawlgalka ayaa Ciidanka Boolisku ku sheegeen in uu ahaa mid qorshaysan oo ay sirdoonku hoggaaminayeen, kaas oo ka dhacay deegaannada Naajo iyo Guracho oo la aaminsan yahay in ay yihiin goobo muhiim ah oo ay ka hawl-galaan kooxdani.

   Dagaal xooggan oo la isku adeegsaday hubka noocyadiisa kala duwan ayaa la sheegay in uu dhacay intaasi kaddib oo uu dhex maray dhinacyada.

   "Markii la weeraray godka ay ku jireen, waxaa xisgtay rasaas xooggan oo la is weydaarsaday, waa se laga awood roonaaday argagixisada Al-Shabaab," ayaa uu yidhi boolisku Talaadadii.

   Ciidanka Kenya ayaa sheegay in furteen hub ay ku jiraan AK-47 ah, qori PKM ah, rasaas badan iyo qalab isgaadhsiineed.

9. 4 Juunyo 2025Muxuu yahay Khilaaf cusub leh oo ka dhex qarxay Trump iyo Elon Musk?

   Maalqabeenka Maraykanka ah ee Elon Musk ayaa cambaareeyay saxeexa madaxweyne Trump ee nidaamka cashuuraha oo u uku tilmaamay in uu yahay wax laga yaqyaqsado.

   Aqalka Wakiillada bishii hore ayaa waxaa ansixiyay miisaaniyadda cashuur goynta oo gaadhaysa trillion Doollar iyo kharashaad badan oo ku baxaya difaaca yo weliba nidaamyo dawladda Maraykanka u oggolaanaya in ay amaahato lacago badan.

   "Ceeb baa u sugnaatay kuwii u codeeyay," ayaa Musk uu ku yidhi qoraal uu soo dhigay bartiisa X isaga oo ka hadlaya nidaamka ajandaha madaxweynaha marka labaad soo laabtay ee Trump.

   Maalqabeenkan Maraykanka ah ayaa si lama filaan ah uga tagay maamulka todobaadkii hore kaddib markii 129 maalmood uu ka shaqaynayay siu u u dhimo kharashaadka kooxdiisa, oo loo yaqaan Doge.