/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Ymchwiliad heddlu'n parhau wedi marwolaeth merch un oed

gwersyll Bryn Gloch

Fe ddigwyddodd y gwrthdrawiad yng ngwersyll Bryn Gloch ym Metws Garmon

Mae'r heddlu wedi cadarnhau bod eu hymchwiliad yn parhau yn dilyn marwolaeth merch un oed wedi digwyddiad ar faes gwersylla ger Caernarfon.

Yn gynharach clywodd cwest bod y ferch - Mabel Elizabeth Baldini o ardal Winsford yn Sir Caer - wedi marw ar ôl cael ei tharo gan gerbyd.

Cafodd yr heddlu eu galw i'r digwyddiad yng ngwersyll Bryn Gloch ym Metws Garmon tua 10:20 ddydd Llun.

Clywodd y gwrandawiad fore Gwener iddi gael ei chludo i Ysbyty Alder Hey yn Lerpwl gan yr Ambiwlans Awyr.

Dywedodd y crwner i'r ferch farw yn fuan ar ôl cyrraedd yr ysbyty, a nodwyd mai anaf difrifol i'w phen oedd achos ei marwolaeth.

Wrth agor y cwest fe wnaeth uwch-grwner gogledd orllewin Cymru, Kate Robertson estyn ei chydymdeimlad i deulu a ffrindiau'r plentyn.

Cafodd y cwest ei ohirio.

Pynciau cysylltiedig

Straeon perthnasol