/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Achos marwolaeth dyn yng Nghaernarfon 'ddim yn amheus'

Ffordd Maes Barcer, Caernarfon

Cafodd yr heddlu eu galw i Ffordd Maes Barcer, Caernarfon, ddydd Sadwrn

Cafodd tri o bobl eu harestio ddydd Sadwrn, ar ôl i ddyn farw yng Nghaernarfon.

Mae Heddlu'r Gogledd wedi dweud dydd Sul nad yw'r farwolaeth yn cael ei thrin fel un amheus, a bod y mater wedi'i gyfeirio at y crwner.

Cafodd yr heddlu eu galw i eiddo yn Ffordd Maes Barcer dydd Sadwrn am 12:11.

Mae'r dyn wedi'i enwi'n lleol fel Dylan Evans, gyda nifer o deyrngedau wedi'u rhannu ar y cyfryngau cymdeithasol.

Mae teulu'r dyn wedi cael gwybod ac yn cael eu cefnogi gan Swyddogion Arbenigol. meddai'r llu.

Dywedodd yr AS am Arfon, Siân Gwenllian, mewn post ar Facebook: "Rwy'n anfon pob cydymdeimlad at deulu a ffrindiau Dylan Evans."

Roedd rhywfaint o bresenoldeb heddlu yn Ffordd Maes Barcer, Caernarfon, 24 awr ar ôl y digwyddiad.

Mae'r heddlu wedi tynnu'r rhwystr oedd ar y stryd ac maen nhw'n diolch i'r gymuned am eu cymorth yn ystod yr ymchwiliad

Pynciau cysylltiedig