/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Caernarfon: Pryder cymydog wedi i adeilad ddymchwel

Mae perchennog caffi yng Nghaernarfon yn dweud ei bod yn pryderu am ei busnes wedi i ran o'r adeilad drws nesaf ddymchwel nos Sul.

Cafodd Gwasanaeth Tân ac Achub Gogledd Cymru eu galw toc cyn 21:00 wedi i ran o gefn hen siop sy'n wag ers sbel ddymchwel ar Stryd y Bont Bridd.

Does dim adroddiadau fod neb wedi cael anaf, ond bu'n rhaid i bobl symud o adeiladau cyfagos am gyfnod ac roedd sawl ffordd ar gau.

"Doeddan nhw ddim yn siŵr pa mor ddrwg oedd o i ddechrau ond aeth nhw rownd yr adeilad a wnaeth nhw ddeud fod y wal wedi disgyn," meddai Gaynor Morris, sy'n rhedeg Caffi Cei.

"Ma'r cefn dal wedi cau so ma'n amlwg fod o'n beryg a bod wbath angen ei wneud.

"'Dan ni ddim yn gwbod be sy'n mynd i ddigwydd nesaf, os ma'n disgyn mwy... Cartref ni ydi o hefyd.

"'Dan ni just isio gwbod lle da ni'n sefyll fel busnes."