/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

'Rhaid ffocysu ar ysgolion i gadw rygbi llawr gwlad yn fyw'

Mae nifer yn poeni am ddyfodol rygbi i blant yn dilyn penderfyniad gan Undeb Rygbi Cymru (URC) i dorri'r cyllid ar gyfer ei raglen swyddogion hwb.

Fis diwethaf, fe gyhoeddodd URC gynllun ailstrwythuro er mwyn arbed £5m.

Mae 30,000 o blant wedi elwa o'r cynllun Hwb, sydd wedi'i ariannu ar y cyd rhwng ysgolion a'r undeb ers 2014.

Mae URC wedi addo gwella'r ddarpariaeth ar gyfer y gêm ar lawr gwlad, gan ddweud y bydd rhagor o fanylion yn cael eu cyhoeddi maes o law.

Dywedodd Joshua Phillips, 23, sy'n swyddog hwb yn Rhondda Cynon Taf, ei fod wedi ei chael hi'n anodd derbyn y penderfyniad.

Yn ôl disgyblion Ysgol Garth Olwg, mae Mr Phillips wedi bod yn help mawr iddyn nhw.