/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Cannoedd o ddisgyblion cynradd yn ymuno â Bws Beic i'r ysgol

Mae disgyblion o ysgolion yng Nghaerdydd wedi bod yn seiclo i'r ysgol mewn grŵp mawr, mewn ffordd sy'n hwyl a diogel.

Mae beicio mewn grwpiau mawr yn gwneud seiclo ar hyd y ffyrdd yn fwy diogel, meddai'r trefnwyr.

Mae Bike Bus World, grŵp o'r Unol Daleithiau sydd eisiau i fwy o blant seiclo i'r ysgol, yn dweud bod bysiau beicio o'r fath yn tyfu dros y byd, gan gynnwys yng Nghymru.

Dywed y plant o ysgolion Pwll Coch, Treganna a Radnor Road, eu bod yn mwynhau teithio i'r ysgol gyda'i gilydd a chanu caneuon, fel Yma o Hyd, ar hyd y ffordd.

Mae rhieni'n gwirfoddoli fel marsialiaid, ac mae mannau ac amseroedd cyfarfod wedi'u pennu.

"Mae'n ffordd wirioneddol hwyliog a llawen i blant gyrraedd yr ysgol," meddai Sam Balto, athro Addysg Gorfforol o Portland, Oregon, a chyd-sylfaenydd Bike Bus World.