/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

'Mor barod i gamu o 'na' - hanes marathon arbennig merch o Fôn

Mae merch o Fôn wedi rhannu ei phrofiad o ddod o fewn trwch blewyn i roi gorau i redeg marathon Llundain, cyn i garedigrwydd dieithryn ei hannog i ddyfalbarhau.

Roedd Erin Fflur Grieves-Owen yn rhedeg marathon am y tro cyntaf y penwythnos diwethaf ac yn codi arian i Ysbyty Walton, Lerpwl.

Dywedodd mai "sioc" oedd derbyn lle yn y ras ond ei bod wedi penderfynu "mynd amdani" er ei bod yn "casáu rhedeg".

Ar ôl i Erin gael trafferthion yn ystod y ras, fe wnaeth dieithryn gynnig help iddi gan sicrhau ei bod yn parhau i fynd tan y llinell derfyn, ond fe ddiflannodd y dyn cyn iddi allu diolch iddo.

Yn dilyn cyhoeddi neges ar Facebook - a gyrhaeddodd dros 14,000 o bobl - mae Erin bellach wedi dod o hyd iddo ac wedi gallu rhannu ei gwerthfawrogiad.

Wrth siarad ar Dros Frecwast fore Gwener, dywedodd: "O'n i mor barod i gamu o 'na a deud dim blwyddyn yma.

"Ond wedyn dyma 'na fachgen yn taro mewn i fi a fy ffrindiau a 'naeth bob dim newid o fan 'na."