BBC News, ትግርኛ - መእተዊ ገጽ

ቻይናን ኣመሪካን ዝኣተዋኦ ስምምዕ ከም ዝተጣሕሰ ሓድሕደን ይካሰሳ

ቻይና፡ ፕረዚደንት ኣመሪካ ዶናልድ ትራምፕ በይጂን ኣብ ጉዳይ ቀረጽ ንዝተሰማምዕሉ ውዕል ከም ዝጠሓሰት ብዓርቢ ንዘቕረቦ ወቐሳ ንእለቱ ግብረመልሲ ሂባ።

ፖላንድ፡ ንኤርትራውያንን ኢትዮጵያውያንን ሓዊሳ ኣንጻር ዘይሕጋዊ ስደት ጐስጓስ ጀሚራ

እተን ብብዝሒ ዝስደተኛታት ከም ዝልእካ ዝተለለያ ሸውዓተ ሃገራት፡ ካብ ኣፍሪቃ፡ ኤርትራ፡ ኢትዮጵያ፡ ሶማልያን ግብጽን ክዀና ከለዋ፡ ካብ እስያ ድማ ኣፍጋኒስታን፡ ዒራቕን ፓኪስታንን እየን።

ዩክረይን፡ 117 ድሮናት ወንጪፋ ልዕሊ 40 ነፈርቲ ውግእ ሩስያ ከም ዘዕነወት ኣፍሊጣ

ፕረዚደንት ቮሎዲሚር ዘለንስኪ፡ ኣብቲ ኣገልግሎት ድሕነት ሃገሩ "ስፓይደርስ ዌብ" (መርበብ ሳሬት) ዝሰመዮ ስርሒት 117 ሰብ ኣልቦ ነፈርቲ ከምዝተዋፈራ ሓቢሩ። 34 ምኢታዊት ካብተን ስትራተጂካውያን ተሰክምቲ 'ክሩዝ ሚሳይል' ዝኾና ነፈርቲ ሩስያ ከምዝተሃረማ ከኣ ኣመልኪቱ'ሎ።

ኣብ ናይጀርያ ሓደጋ ውሕጅ ልዕሊ 200 ቀቲሉ፤ ኣብ እዋን ውሕጅ እንታይ ጥንቃቐ ምግባር የድሊ?

እዚ ኣብቲ ከባቢ ኣብ ውሽጢ 60 ዓመታት ካብ ዝተረኣዩ እቲ ዝኸፍአ ምዃኑ ዝተገለጸ ሓደጋ ውሕጅ ድሕሪ ብርቱዕ ዝናብ ከምዝሰዓበ ተሓቢሩ።

ኤርሚና ደል'ኦሮ፡ ኣብ ኣስመራ ተወሊዳ ዝዓበየት ጸሓፊት

ኣባሓጎኣ ንኤርሚና ደል-ኦሮ ሓደ ካብ'ቶም ቀዳሞት ናብ ኤርትራ ዝፈለሱ ኢጣልያውያን'ዩ ነይሩ። ንሱ ካብ ሌኮ እትበሃል ኣብ ሎምባርዲያ እትርከብ ንእሽቶ ከተማ - ካብ ሚላኖ ንሰሜን 50 ኪ.ሜ. ርሒቓ እትርከብ - ብ1886 ናብ ኤርትራ ግዒዙ።

ኤርትራ፡ ካብ ሓርነታዊ ገስጋስ ናብ ምልካዊ ትኻስ

እቲ ህዝቢ፡ ዘይጽወር ጸይሩ፡ መሪር ስቓይ ተጻዊሩ፡ ብከቢድ መስዋእቲ ዝረኸቦ ናጽነት፡ "ደጊም ስቓይና ተወዲኡ እዩ!" ብምባል፡ ርሁው መጻኢ እናሓለመ፡ ብድሙቕ ፍሽኽታን ሓጐስን'ዩ ዝጽምብሎ ነይሩ። ግን እቲ ሽዑ ዝነበረ ተስፋን ሕልምን፡ ሕጂ ድሕሪ 33 ዓመት ናጽነት ከመይ ኣሎ? እዚ ጽሑፍ'ዚ፡ ንትጽቢትን ክውንነትን ጕዕዞ ሓድሽ ልደት ኤርትራን ውጽኢቱን ክግምግም እዩ።

ትግራይ፡ 'ብልዕቲ ክልቲኡ ጾታ ሒዘ ብምውላደይ ተነጺለን ተዓሚጸን'

ኣብ ዓለምና ካብቲ ሕብረተሰብ ዝምድቦ ክልተኣዊ ጾታዊ ፍጥረት (ጓል ኣንስተይቲን ወዲ ተባዕታይን) ወጻኢ፡ ብልዕቲ ክልቲኡ ጾታ ሒዞም ዝውለዱ ሰባት፡ 1.9 ሚኢታዊት ብዝሒ ኣለዎም። ንሳቶም ከኣ ኣብ ኢትዮጵያ ይዅን ካልእ ክፍለ ዓለም ንከቢድ ጸለመን ተነጽሎን ዝተቓልዑ’ዮም።

ዝምድና ኢትዮ-ኤርትራ፡ ሓድሽ ኣሰላልፋ ቀርኒ ኣፍሪቃን ሳዕቤናቱን

ኣሰላልፋ ቀርኒ ኣፍሪቃ ኣንፈት ቀይሩ ናብ ሓድሽ ወጥሪ ኣምሪሑ። እቲ ሓደ ኣብ መንጐ ኢትዮጵያን ሶማልያን ዘሎ ወጥሪ ክኸውን ከሎ፤ እቲ ካልኣይ ድማ ኣብ መንጐ ግብጽን ኢትዮጵያን ዝረአ ዘሎ እዩ። ኤርትራን ግብጽን ሶማልያን ሓድሽ ኪዳን ክምስርታ እንከለዋ፡ ኢትዮጵያን ሶማሊላንድ ከኣ ኣብ ዝሓለፈ ጥሪ 2024 ብዝተፈራረማኦ ጉዳይ ኣፍደገ ባሕሪ ኣብ ሓደ ቀጽሪ ከምዘለዋ ይርአ ኣሎ።

ኣባ ተኽለማርያም ሰምሃራይ፡ ንስርዓተ ኣምልኾ ግእዝ ዝተቓለስሉ ኣቦ

ኣብ ከረን፡ ኢዮሩሳሌም፡ ሮማ፡ ፓሪስ. . . ኰይኖም ዝጸሓፉዎ 46 ምርምራዊ ጽሑፋት ኣበርኪቶም ኣለዉ። ነቲ ንኤውሮጳ ማእከል ዝገበረ ርእዮተ-ዓለም ናብ ምድረ-ሓበሻ ንምእታው ዝግበር ዝነበረ ፈተነታት ብርድኢት ደው ኢሎም ዝመጐቱ፡ ክብርታት ሕብረተሰቦም ንኻልኦት ዘፍለጡን ዋጋ ዝኸፈልሉን እዮም። ካብዛ ዓለም ካብ ዝፍለዩ 83 ዓመት ኣቝጺሮም ኣለዉ - ብዙሕ ሰብ ግን ስሞም እኳ ሰሚዑዎ ኣይፈልጥን።

ኤርትራ፡ ካቢነ ሚኒስተራት ኣኺልዎ ድዩ ፈሪሱ? ሓድሽ ወለዶ መሪሕነት ንምፍጣር’ከ ተስፋ ኣሎዶ?

ካቢነ ሚኒስተራት ኤርትራ ንመወዳእታ ግዜኡ ካብ ዝእከብ፡ ዝሓለፈ 28 መስከረም ሽዱሽተ ዓመት መሊኡ ኣሎ። ብዙሓት ኤርትራውያን፡ ካቢነ ሚኒስተራት ኣበይ ኣተወ? ስለምንታይ’ዩ “ደስኪሉ”? ኣባላቱ ዝዀኑ ሚኒስተራትን ዝመርሕወን ሚኒስትሪታትን’ከ ኣብ ምንታይ ኵነታት ኣለው? ዝብሉ ሕቶታት ከልዕሉ ጸኒሖም ኣለዉ።

ሱዳን፡ ሓድሽ ምዕራፍ ኲናት ሓድሕድ ዝኸስት ዘሎ ጽዑቕ መጥቃዕቲ ድሮን

እቲ ኲናት ኣብ መንጐ ዕጡቓት ሓይልታት ዳዕመ ሰሪዕ ንሰራዊት ሱዳንን ብዝተፈጥረ ቍርቍስ ስልጣን ክጅመር እንከሎ፡ ካልኦት ዕጡቓት ጕጅለታት ሱዳንን ደገፍቲ ሃገራት ወጻእን ብምስሓብ፡ ነታ ሃገር ኣብቲ ውድብ ሕቡራት ሃገራት ኣብ ዓለም ዝኸፍአ ሰብኣዊ ቅልውላው ዝበሎ ሸሚምዋ ኣሎ።

ኢብራሂም ትራኦረ፡ መራሒ ቡርኪናፋሶ ስለምንታይ'ዩ ልብን ቀልብን ዓለም ገዚኡ?

ወተሃደራዊ መራሒ ቡርኪናፋሶ ካፒቴን ኢብራሂም ትራኦረ ኣብ ኣህጉር ኣፍሪቃን ልዕሊኡን ዝተጋውሐ ክኸውን ከሎ፡ ኣድነቕቱ ድማ ኣሰር (ክብሪ) ከም ናይቲ "ኣፍሪቃዊ ቼ ጉቬራ" ተባሂሉ ዝጽዋዕን ሰውራዊ ማርክሲስት ዝዀነ ወዲ ዓዱ ቶማስ ሳንካራ ዝኣመሰሉ ጀጋኑ ኣፍሪቃውያን ዘቐጽል ዘሎ ገይሮም ይርእይዎ።

ቫቲካን፡ መስርሕ መረጻ ርእሰ ሊቃነ ጳጳሳት - ከመይን ብመንን'ዩ ዝካየድ?

ርእሰ ሊቃነ ጳጳሳት ፍራንቸስኮ ኣብ መበል 88 ዓመቶም ድሕሪ ምዕራፎም፡ ኣብዚ ሰሙን ካብ መላእ ዓለም ዝመጹ ካርዲናላት ኣብ ቫቲካን ተኣኪቦም መረጻ ከካይዱ እዮም። እዚ ንዘመናት ዝጸንሐ ኮንክሌቭ ተባሂሉ ዝፍለጥ ሕቡእ መስርሕ እዩ። እዞም ኣብዚ ሕቡእ መረጻ ዝሳተፉ ካርዲናላት ግን ካበይ ዝመጹ እዮም? ኣብ ጂኦፖለቲካ እታ ቤተ ክርስቲያንከ እንታይ ጽልዋ ይህልዎ?

'ኮንክላቭ'፡ እቲ ኣዝዩ ምስጢራዊ ዝዀነ መረጻ

ኣብ ቫቲካን ኣብዚ ሰዓት እዚ ካብ መላእ ዓለም ዝተዋጽኡ ልዕሊ 250 ዝኾኑ ካርዲናላት ተኣኪቦም ኣለዉ፡ እንተኾነ እቶም ክመርጹን ከጅምረጹን ዘለዎም ዕድመኢዞም ትሕቲ 80 ክኸውን ኣለዎ። በዚ መሰረት ከኣ 133 ካርዲናላት'ዩም ክመርጹ።

መረጻ ካናዳ፡ መራሒ ሊበራላዊ ሰልፊ ማርክ ካርኒ ተዓዊቱ

ካናዳ ብሰኑይ ንዝመጽእ ሓያለ ዓመታት ወሳኒ ዝዀነ ፈደራላዊ ባይቶኣዊ መረጻ ከተካይድ ውዒላ ነይራ።ኣብዚ መረጻ፡ መራሒ ሊበራላዊ ሰልፊ ካናዳ ማርክ ካርኒ ተዓዊቱ'ሎ።

ርእሰ-ሊቃነ-ጳጳሳት ሊዮ መበል 14፡ 'ሰላም ምስ ኵላትኩም ይዅን'

ቅድሚ ገለ ደቃይቕ ካብ ቤተ ጸሎት ሲስቲን ዝርከብ መውጽኢ ትኪ ጻዕዳ ትኪ ክወጽእ ተራእዩ። እዚ ድማ መስርሕ ምሃብ ድምጺ ከምዝተዛዘመን ካርዲናላት ርእሰ ሊቃነ ጳጳሳት ከምዝመረጹን ዘመልክት እዩ። መን ከም ዝተመርጸ ግን ዛጊት ኣይተፈልጠን ዘሎ።

ትግራይ፡ ኣብ ቀይዲ ኣትዩ ዝጸንሐ ብርሃነ ገብረገርግስ ተፈቲሑ

ግዝያዊ ምምሕዳር ትግራይ ንብርሃነ ናብ ፈደራል መንግስቲ 'ኣሕሊፉ ክህቦ እዩ' ኢሎም ዝጠርጠሩ ኣባላት ሰራዊት ኣርሚ 22 ንጣብያ ፖሊስ ዓይደር ከቢቦም ብቐረባ ክከታተሉዎ ከም ዝወዓሉ ጸብጻባት ካብ ከተማ መቐለ ገሊጾም።

ጓላ ዝሰኣነት ሕዝንቲ ኤርትራዊት፡ ኣብ ልዕሊ ኬንያውያን ሰምሰርቲ ዘለዋ ቍጥዐ

ጸሓይ ኣብ ልዕሊ እቲ ኣብ ኬንያ ዝርከብ ፍሉጥ ቀላይ ቱርካና ክትዓርብ እንከላ፡ ኤርትራዊት ስደተኛ ሰናይት መብራህቱ፡ ዘይሕጋውያን ኣሰጋገርቲ ሰባት [ሰምሰርቲ] ብዝጥቀምሉ ብዝነበሩ ሓድሽ መስመር ኣቢላ ናብ ኬንያ ክትበጽሕ ኣብ እትጓዓዘሉ ዝበረት እዋን ንዝጠሓለት ጐርዞ ጓላ እናዘከረት፡ ኣብቲ ደንደስ ቀላይ ኰይና ዝርንዛሕ ትነብዕ።

ኣብ ዝመጽእ መዓልታት ዝወድቕ ካብ ቍጽጽር ወጻኢ ዝዀነ መንኰርኰር ጠፈር

እዚ ብሕብረት ሶቭየት ኣብ 1972 ናብ ጠፈር ዝተላእከ ቆስሞስ-482 ዝተሰምየ መንኰርኰር ናብ ፕላኔት ቬኑስ ይጓዓዝ እኳ እንተ ነበረ፡ ብሰንኪ ቴክኒካዊ ጸገማት ኣብ ቅናት-ምድሪ ክጸንሕ እዩ ተገዲዱ።

ቢቢሲ፡ 50 ሰባት ንዝሞቱዋ ጃልባ ንዘበገሰ ሰምሳሪ ዝገበሮ ስዉር ምክትታል