/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Penodi Nelson Jardim yn rheolwr newydd Casnewydd

Nelson JardimHuw Evans Picture Agency

Ymunodd Nelson Jardim â'r Alltudion fel prif hyfforddwr yn wreiddiol, yn gynharach ym mis Gorffennaf

Mae Clwb Pêl-droed Casnewydd wedi penodi Nelson Jardim fel eu rheolwr newydd.

Mae'r gŵr o Bortiwgal yn olynu Graham Coughlan, a adawodd Rodney Parade ym mis Mehefin wedi i'r clwb ddweud eu bod eisiau symud "i gyfeiriad gwahanol".

Fe ymunodd Jardim â'r Alltudion fel "prif hyfforddwr" yn y lle cyntaf, yn gynharach y mis hwn, ond fe ddywedodd y clwb ar y pryd eu bod "yn parhau i chwilio" am reolwr newydd.

Mae Jardim eisoes wedi bod yn gyfrifol am y paratoadau cyn dechrau'r tymor newydd yn Adran Dau.

Dywedodd cadeirydd Casnewydd, Huw Jenkins, ei fod "eisoes wedi cael effaith fawr" yn yr wythnosau diwethaf, ac wedi "bod yn allweddol o ran helpu creu teimlad cryf, positif o amgylch y clwb".

Mae Jardim wedi treulio cyfnodau fel hyfforddwr gydag Abertawe pan roedd Jenkins yn gadeirydd ar yr Elyrch, ac mae hefyd wedi gweithio gyda chlybiau Caerlŷr, Nacional yn Sbaen, Birmingham City a Maritimo B ym Mhortiwgal.

Pynciau cysylltiedig