/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Enwi'r bachgen bu farw mewn ffair yn y Barri ac arestio un

Taha SoomroHeddlu De Cymru

Er gwaethaf ymdrechion y gwasanaethau brys, bu farw Taha Soomro yn y fan a'r lle

Mae enw'r bachgen 16 oed bu farw mewn ffair ar Ynys y Barri wedi cael ei ddatgelu, ac mae un wedi cael ei arestio.

Mae Heddlu'r De yn parhau gyda'r ymchwiliad i farwolaeth Taha Soomro o Grangetown, Caerdydd, wnaeth ddioddef yr hyn y maen nhw'n ei ddisgrifio fel "digwyddiad meddygol," yn y Parc Pleser ar Ynys y Barri.

Er gwaethaf ymdrechion y gwasanaethau brys, bu farw Taha yn y fan a'r lle.

Mae'r heddlu wedi cadarnhau fod bachgen yn ei arddegau wedi cael ei arestio ar amheuaeth o ymosod, a'i fod yn y ddalfa.

Dywedodd y Parc Pleser fod y newyddion am y farwolaeth yn drist iawn a bod eu tîm "wedi gwneud eu gorau i gynorthwyo'r gwasanaethau brys" ar y pryd.

Ceir heddluVisit Barry Island

Cafodd y llu eu galw i'r ffair ym Mro Morgannwg ddydd Gwener, ychydig cyn 17:00

Dywedodd yr heddlu fod "ymholiadau helaeth" yn cael eu gwneud, er mwyn trio canfod achos ac amgylchiadau'r farwolaeth.

Cafodd y llu eu galw i'r ffair ym Mro Morgannwg ddydd Gwener, ychydig cyn 17:00.

Dywedodd llefarydd yr heddlu eu bod yn apelio ar unrhyw un oedd yn y Parc Pleser yn ystod y digwyddiad, sydd â gwybodaeth, i gysylltu gyda nhw.

Gorsaf Heddlu'r Barri

Dywedodd yr heddlu fod "ymholiadau helaeth" yn cael eu gwneud, er mwyn trio canfod achos ac amgylchiadau'r farwolaeth

Mae ditectifs yn arbennig o awyddus i dderbyn unrhyw ffilmiau ffôn symudol.

Maen nhw hefyd yn "annog pobl i osgoi dyfalu ar gyfryngau cymdeithasol," ac mae teulu Taha yn cael eu diweddaru gan swyddogion.

Dywedodd y Parc Pleser fod eu "meddyliau a'n gweddïau gyda'r teulu ar yr amser trist iawn hwn."

Mae'r parc yn parhau i fod ar agor ers 11:00 fore Sadwrn.

Pynciau cysylltiedig